ကျွန်မအကြိုက်ဆုံး အမြင်အာရုံလှည့်စားမှုရုပ်ပြစာအုပ်သည် ရုပ်ပုံများဖြင့် အမြင်ကိုလှည့်စားနိုင်ခြင်းကြောင့် ကျွန်မအမြဲတစေအံ့ဩရသည်။ ဥပမာ- အရှည်ချင်းတူသော်လည်း အရွယ်အစားမတူပုံပေါ်သည့် မျဉ်းကြောင်းနှစ်ကြောင်း(သို့) လှေကား ၄ စင်းသည် အဆုံးမရှိပတ်ချာလည်ဆက်နေသကဲ့သို့ ထင်မှတ်ရသည့် ကျော်ကြားသော "အံ့ဖွယ်လှေကား"ပုံမျိုး စသည်ဖြင့် ဖြစ်သည်။ အရာဝတ္ထုများကို အမှန်အတိုင်း အမြဲ မမြင်ရခြင်းကို သတိပြုမိသောအခါ စိတ်၌ အနည်းငယ် ဇဝေဇဝါဖြစ်တတ်သည်။
သို့သော် အမြင်အာရုံတစ်ခုတည်းသာ ကျွန်မတို့ကို လှည့်စားသည် မဟုတ်ပါ။ လောကကြီး၏လှည့်စားမှုများက ကျွန်မတို့အား နေ့စဉ်ရိုက်ခတ်လျက်ရှိပြီးတစ်ခါတစ်ရံ ကျွန်မတို့သည် ဘုရားသားသမီးဖြစ်သည်ဟူသော မိမိ၏ဖြစ်တည်မှုအပေါ် ဇဝေဇဝါဖြစ်လျက် လှည့်စားမှုများကို ယုံကြည်သွားနိုင်သည်။ စာရေးဆရာဟန်နရီနောင်ဝမ် (Henri Nouwen)က "အောင်မြင်မှု၊ ကျော်ကြားမှုနှင့် အာဏာတို့အပေါ် အခြေခံသည့် ဖြစ်တည်မှုသည် မှားယွင်းသောဖြစ်တည်မှု၊ လှည့်စားမှုသာဖြစ်ကြောင်း ကျွန်တော်တို့အား ကြေငြာပြောပြရန် ရှင်ယေရှုကြွလာခဲ့သည်"ဟု ရေးသားခဲ့သည်။
ရှင်ယေရှုကို မိမိတို့၏ကယ်တင်ရှင်အဖြစ် လက်ခံပြီးနောက်၊ ဘုရားသခင်၏ "သားသမီးများ"ဖြစ်လာခြင်းသည် ဘုရားသခင်၏ကြွယ်ဝသောချစ်မေတ္တာအားဖြင့်…
ဖခင်တစ်ဦးသည် သူတို့စီးနင်းလာသောအပျော်စီးသင်္ဘော၏ လေးထပ်မြောက်မှ သူ၏ငါးနှစ်အရွယ် သမီးငယ်လေး ပြုတ်ကျသွားကြောင်း သိလိုက်သည်နှင့် သမီးငယ်အား ကယ်ဆယ်ရန် ပေလေးဆယ်အမြင့်မှ ပင်လယ်ထဲသို့ ချက်ချင်း ခုန်ချခဲ့သည်။ ကယ်ဆယ်ရေးအဖွဲ့က သူတို့ကို သင်္ဘောပေါ်သို့ ဘေးကင်းစွာ ပြန်လည် မပို့ဆောင်နိုင်မီအထိ ဆယ်မိနစ်ကျော်ကြာ သမီးဖြစ်သူအား မြဲမြဲဖက်ထားရင်း ရေထဲ၌ ကိုယ်ဖော့နေခဲ့သည်။ ဖခင်ဖြစ်သူသည် သမီးငယ်အန္တရာယ်ထဲရောက်နေကြောင်း သိသိချင်းပင် သူမကို ကယ်တင်ရန် ဘာမဆိုလုပ်ရန် စွန့်စားခဲ့သည်။
သမ္မာကျမ်းစာတစ်အုပ်လုံးတွင် ကျွန်မတို့အား အပြစ်နွံထဲနစ်မြှုပ်ခြင်းမှကယ်တင်ရန် အရာခပ်သိမ်း ပေးဆပ်ခဲ့သည့် ကောင်းကင်ဘုံရှင်အဘ၏ မေတ္တာတော်အကြောင်းကို ဖတ်ရှုရသည်။ ဘုရားသခင်သည် သူ၏မွန်မြတ်သောကယ်တင်ခြင်းအစီအစဉ်ကို ဧဒင်ဥယျာဉ်တွင် ပထမဦးဆုံးထုတ်ဖော်ခဲ့သည်။ အာဒံနှင့်ဧဝ တို့သည် မြွေ၏သွေးဆောင်မှုကြောင့် အပြစ်ပြုမိကြပြီးနောက်၊ ဘုရားသခင်သည် မြွေအား “သင်နှင့် မိန်းမကို လည်းကောင်း၊ သင်၏အမျိုးအနွယ်နှင့် မိန်းမ၏အမျိုးအနွယ်ကိုလည်းကောင်း ရန်ငြိုးဖွဲ့စေမည်။ သူသည် သင်၏ခေါင်းကို ကြိတ်လိမ့်မည်၊ သင်သည်လည်း သူ၏ဖနောင့်ကို…
အကယ်ဒမီဆုရှင် သရုပ်ဆောင် Denzel Washington(ဒန်ဇယ်ဝါရှင်တန်)က လူငယ်သရုပ်ဆောင်အဖွဲ့တစ်ဖွဲ့အား နေ့ရက်တိုင်းကို ဆုတောင်းခြင်းဖြင့် အစပြုရန် အားပေးခဲ့သည်။ ထိုသူတို့အား “မနက်ခင်းတွင် ဒူးထောက်ရမည်” ဖြစ်သောကြောင့် သေသေချာချာ “ညဘက်တွင် ဖိနပ်များကို အိပ်ရာအောက်တွင်ထားရန်” အကြံပေးခဲ့သည်။
ဆုတောင်းခြင်းအလေ့အထကို ပုံမှန်လုပ်ဆောင်ရန် ဂရုတစိုက်စီစဉ်ခြင်းနှင့် တီထွင်ဖန်တီးမှုအချို့ လိုအပ်သော်လည်း၊ ၎င်းသည် သမိုင်းတစ်လျှောက်လုံး အထူးသဖြင့် ခက်ခဲသောအချိန်များတွင် ဘုရားသခင်၏ လူများကို ထောက်မခဲ့သည့် အလေ့အထတစ်ခုဖြစ်သည်။ ဒါရိမင်းလက်ထက်တွင် အမှုထမ်းခဲ့သော ဒံယေလ၏ဘဝတွင် ဤအချက်ကို တွေ့နိုင်သည်။ သူသည် အစိုးရ၏ ထိပ်တန်းဝန်ကြီးအဖြစ် အလျင်အမြန် ထင်ရှားကျော်ကြားခဲ့သောကြောင့် အခြားအရာရှိများ အမျက်ထွက်ခဲ့သည် (ဒံ ၆:၃)။ သူတို့၏မနာလိုမှုကြောင့် သူ့ကို ရာထူးမှဖယ်ရှားရန် ကြံစည်ခဲ့ရာ၊ “ဘုရားသခင်၏ဘာသာမှု”ကို စောင့်ထိန်းသည့် ဒံယေလ၏ဆည်းကပ်ကိုးကွယ်မှု တစ်ခုတည်းကိုသာ အပြစ်တင်နိုင်မည်ကို ၎င်းတို့ မနှေးအမြန် သိရှိခဲ့သည် (:၅)။ အရာရှိများသည် ဘုရင်အားလှည့်စားပြီး…
ဒတ်ခ်ျပန်းချီဆရာ Rembrandt (ရမ်းဘရန်တ်) သရုပ်ဖော်ရေးဆွဲသော ခရစ်တော်နှင့် ရှမာရိအမျိုးသမီး ပန်းချီကားကို ကျွန်မ ငေးကြည့်နေစဉ်၊ စိတ်ဝင်စားဖွယ် အသေးစိတ်အချက်နှစ်ချက်ကို တွေ့ခဲ့သည်။ ပထမတစ်ချက်မှာ သခင်ယေရှုသည် ရှမာရိအမျိုးသမီးအား မိန့်တော်မူစဥ်၊ သူ၏လက်ကို နှလုံးသားရှိရာ ရင်ဘတ်ပေါ်တင်ထားပြီး၊ ရှမာရိအမျိုးသမီးဘက်သို့ နှိမ့်ချသောပုံစံဖြင့် ကိုင်းညွှတ်ထားသည်။ လူမျိုးစုနှစ်စုကြား ရာစုနှစ်ပေါင်းများစွာ အငြိုးထားမှုများကြောင့် ဂျူးလူမျိုးများသည် “ရှမာရိလူတို့နှင့် ပေါင်းဖော်ခြင်းမရှိ”ခဲ့ကြသော်လည်း(ယော ၄:၉)၊ သခင်ယေရှုသည် အပယ်ခံထားရသော အမျိုးသမီးတစ်ဦးကို တလေးတစား ဂုဏ်သိက္ခာရှိရှိ ဆက်ဆံခဲ့သည် (:၁၇-၁၈)။
သခင်ယေရှုသည် ထိုအမျိုးသမီး၏ ရုန်းကန်ရမှုများကို သိပြီး သူမ၏ နက်နဲသော လိုအပ်မှုကို ပြည့်ဝကျေနပ်စေရန် "အသက်ရေ"ကိုပေးခဲ့သည် (:၁၀)။ ထိုအသက်ရေသည် ဘုရားသခင်နှင့်ပြန်လည်၍ သင့်မြတ်ပေါင်းသင်းဆက်ဆံရေးမှတစ်ဆင့် ရရှိနိုင်သော သန့်ရှင်းစေခြင်းနှင့် အသက်ကိုပေးသော ကျေးဇူးတော်ဖြစ်သည်။
ကျွန်မ၏အာရုံကို ဖမ်းစားခဲ့သောဒုတိယအချက်မှာ အမျိုးသမီး၏မျက်နှာကို ဖုံးအုပ်ထားသော အမှောင်ရိပ်ဖြစ်ပြီး၊ ၎င်းသည် သခင်ယေရှုကို…
သောမတ်စ်က ၎င်း၏ကိုယ်ရေးကိုယ်တာ စိုးရိမ်ပူပန်မှုများကို အမြဲတစေ နားထောင်အကြံပေးသော သက်ကြွယ်အရွယ် အဘိုးအိုနှင့် တန်ဖိုးရှိသောအချိန်ကို ဖြတ်သန်းခဲ့ပြီး၊ ၎င်းနှင့်ပတ်သက်၍ “သူဟာ ကျွန်တော်ရဲ့ မိုးမခပင်ကြီး(Hollow Willow)ပါပဲ”ဟု ဆိုခဲ့သည်။ ကျွန်မက သူ့ကို အကြောင်သား ငေးကြည့်နေ၍ သူက ထိုစကားလုံးမှာ Solovak(ဆလိုဗက်)စကားအသုံးအနှုန်းဖြစ်ပြီး၊ “မိမိ၏ လျှို့ဝှက်ချက်များကို ထိန်းသိမ်းပေးသူ”ကို ရည်ညွှန်းကြောင်း ရှင်းပြသည်။ အချုပ်ဆိုရလျှင် ထိုပုဂ္ဂိုလ်သည် မိုးမခပင်ကဲ့သို့ပင် လျှို့ဝှက်သတင်းအချက်အလက်များကို ၎င်း၏ပင်စည်အတွင်း၌ လုံခြုံစွာထိန်းသိမ်းပေးသူဖြစ်သည်။
ကျွန်မတို့၌ မိမိ၏စိုးရိမ်ကြောက်ရွံ့မှု၊ ပြင်းပြသည့်လိုအင်ဆန္ဒများကို ယုံစားပုံအပ်ပြီး ရင်ဖွင့်ပြော၍ရသူ တစ်စုံတစ်ဦးသာ ရှိလျှင် ၎င်းသည် တကယ့် ရတနာတစ်ပါးပင်။ သုတ္တံကျမ်း၌ ဖော်ပြထားသည့် ပြောသည့်စကားများ၏အစွမ်းတန်ခိုးမှာ ရှောလမုန်မင်းကြီးကိုယ်တိုင် ကြုံတွေ့ခဲ့ရသောအရာဖြစ်တန်ရာသည်။ ရှောလမုန်မင်းကြီးသည် မိမိ၏နှုတ်လျှာကို ထိန်းချုပ်နိုင်သူ လူတစ်ဦးချင်းစီတိုင်းကို ချီးမွမ်းပြောဆိုထားသည် (သု ၁၁:၁၂)။ ထို့ပြင် “ပညာမဲ့သောသူသည် မိမိအိမ်နီးချင်းကို မထီမဲ့မြင်ပြုတတ်၏။ ဉာဏ်ကောင်းသောမူကား…
ကယ်လီဖိုးနီးယားပြည်နယ်ရှိ “ယောရှုသစ်ပင်အမျိုးသားဥယျာဉ်”၌ တောင်တက် ခရီးထွက်စဉ် ကောင်းကင်သို့ လက်မြှောက်သည့်ပုံစံဖြင့် အထက်သို့ရွယ်နေသော ပိန်လှီသည့် အကိုင်းအခက်များနှင့် ထူးခြားသော သစ်ပင်များကို ကျွန်မတို့မြင်တွေ့ခဲ့ပြီး ၎င်းတို့ကို စိတ်ဝင်စားမိခဲ့သည်။ ယောရှုမှတ်စာတွင် ဘုရားသခင် အတူပါရှိမှုနှင့် ကူညီမစမှု၏လက္ခဏာအဖြစ် ယောရှုသည် လှံတံကို မြှောက်ထားခဲ့သည့် ဓမ္မဟောင်းကျမ်းဇာတ်လမ်းကို အမှတ်ရလျက်၊ ထိုဒေသသို့ ကနဦးဝင်ရောက်အခြေချသူများက ဤသစ်ပင်ကို “ယောရှုသစ်ပင်”ဟု အမည်ပေးခဲ့သည်ဟု လူများစွာက ယုံကြည်ကြသည်။
ခါနာန်ပြည်သို့ ဝင်ရောက်ပြီးနောက် ဣသရေလလူမျိုးတို့သည် စစ်ပွဲ၌ ဘုရားသခင်၏မစမှုကို လိုအပ်ခဲ့သည်။ ၎င်းတို့၏အပြစ်ကြောင့် အာဣမြို့စစ်ပွဲတွင် ရှုံးနိမ့်ခဲ့ပြီးနောက် (ယောရှု ၇:၁၁-၁၂)၊ သူတို့သည် ထိုမြို့ကို ထပ်မံတိုက်ခိုက်ရန် ကြောက်ရွံ့ခဲ့ပုံရသည်။ သို့သော် ဘုရားသခင်က ယောရှုအား “မကြောက်နှင့်၊ စိတ်မပျက်နှင့်” ဟု ခွန်အားပေးခဲ့သည် (၈:၁)။ ထို့နောက် “သင်ကိုင်သောလှံကို အာဣမြို့သို့ ရွယ်လော့။ ထိုမြို့ကို သင့်လက်သို့ ငါအပ်မည်”ဟု…
ကျွန်ုပ်၏သူငယ်ချင်း ဘုချ်ဘရစ်ဂ်သည် ဒေသခံအထက်တန်းကျောင်းတွင် ရေကူးအသင်းများအတွက် နှစ်သက်ဖွယ်ကောင်းသောနည်းပြဖြစ်ခဲ့သည်မှာ ၅၁ နှစ်ရှိပြီဖြစ်သည်။ သိချင်စိတ်ဖြင့် “နှစ် ၅၀ အတွင်းမှာ ပြည်နယ် ချန်ပီယံ ဘယ်နှစ်ဆုရခဲ့လဲ”ဟု မေးကြည့်ရာ၊ သူ့ပုံစံအတိုင်း နူးညံ့သိမ်မွေ့သောလေသံနှင့် “ကျွန်တော်က ပြိုင်ပွဲတစ်ခုမှ မဝင်ပြိုင်တဲ့အတွက် ချန်ပီယံဆုတစ်ခုမှ မရရှိခဲ့ပါဘူး”ဟုဖြေသည်။ ကျွန်တော်က “မင်းရဲ့ ရေကူးသမားတွေက ချန်ပီယံဆု ဘယ်လောက်ရခဲ့လဲ”ဟု ထပ်မေးရာ၊ “၃၉ ဆု”ဟု ဝမ်းမြောက်စွာ သူတုံ့ပြန်ခဲ့သည်။
ဘုချ်က ကျွန်တော့်အား အဖိုးတန်သင်ခန်းစာတစ်ခု သင်ပေးခဲ့သည်။ နည်းပြတစ်ဦးသည် အရေးပါသောအခန်းကဏ္ဍ၌ ရှိသော်လည်း သူ၏ရေကူးသမားများ ရရှိခဲ့သောအောင်မြင်မှုများအတွက် သူက ဂုဏ်ဖော်လိုခြင်းမရှိပါ။
ဘုချ်၏နှိမ့်ချမှုက နှစ်ခြင်းဆရာယောဟန်၏သူ့အခန်းကဏ္ဍကို ရှုမြင်ပုံအား အမှတ်ရစေသည်။ ကယ်တင်ရှင်စေလွှတ်မည့် ဘုရားသခင်၏ကတိတော်ကို ပြည့်စုစေသော မေရှိယအဖြစ် ယေရှုကို ညွှန်ပြရန် ယောဟန်သည် တာဝန်ပေးခြင်းခံခဲ့ရသည်။ သို့သော် သူသည် အလွန်အာရုံစိုက်ခံရသဖြင့် ဘာသာရေးခေါင်းဆောင်များက သူ့အကြောင်း…
“CARE”လက်ဆောင်ထုပ်အမည်သည် ဒုတိယကမ္ဘာစစ်အတွင်း ရွှေ့ပြောင်းရသည့် ဥရောပတိုက်သားများအား ကူညီရန် အစားအသောက်အထုပ်များပေးပို့ခဲ့သည့်အဖွဲ့-“Cooperative for American Remittances to Europe”(အမေရိကန်မှ ဥရောပသို့ လက်ဆောင် ပါဆယ်ထုပ်ပေးပို့သည့်အသင်း)၏အမည်အတိုကောက် ဖြစ်ကြောင်း မကြာမီကမှ ကျွန်မသိရှိခဲ့ရသည်။ ကျွန်မ၏ကလေးများ ကောလိပ်တက်စဥ်က သူတို့ထံ ပေးပို့ခဲ့သော ပါဆယ်ထုပ်များတွင် အများအားဖြင့် အိမ်လုပ်မုန့်များ၊ သကြားလုံးများနှင့် ပြည့်နေခဲ့သော်လည်း အိမ်တွင် ၎င်းတို့မေ့နေသည့် အနှစ်သက်ဆုံးအင်္ကျီ (သို့) ကျောင်းသုံးအပိုပစ္စည်း အစရှိသော လက်တွေ့အသုံးဝင်သည့် ပစ္စည်းအချို့တို့လည်း ရံဖန်ရံခါပါဝင်သည်။
“ကရုဏာလက်ဆောင်ထုပ်”ဟူသောအမည်သည် ခေတ်မီဆဲဖြစ်ပြီး၊ အသုံးဝင်သည့်ပစ္စည်းများပေးပို့ခြင်း အလေ့အထသည် ရှေးကတည်းက ရှိနေသည်။ ၎င်းကို ၂ တိ စာစောင်အဆုံးတွင် တွေ့ရသည်။ ရောမမြို့၌ အကျဉ်းချခံရစဉ် ပေါလုသည် သူယုံကြည်ရသောတပည့်ထံ ရေးသည့်စာအဆုံး၌ ကိုယ်ရေးကိုယ်တာ တောင်းဆိုချက်အချို့နှင့် အဆုံးသတ်ထားသည်။ သူ့အား ကူညီရန် မာကုကို ခေါ်၍ သူ့ထံလာရန် တိမောသေအား…
အမေရိကန်သမိုင်းတလျှောက် သေကြေပျက်စီးမှု အများဆုံးသောတောမီးလောင်မှုသည် ၂၀၂၃ ခုနှစ်၊ ဩဂုတ်လတွင် ဟာဝိုင်အီကျွန်းရှိ လဟေးနာမြို့ (Lahaina)၌ ဖြစ်ပွားခဲ့ပြီး၊ လူ ၉၉ ဦး သေဆုံးကာ၊ အဆောက်အုံ ၂၀၀၀နှင့်အထက် ပျက်စီးခဲ့ရသည်။ ထိုမြို့၌ နေထိုင်သူတို့မှာ အပျက်အစီးများကြောင့် ယခုတိုင်ခံစားရသည့် အပြင် အိမ်ကိုဖောက်ထွင်းလုယက်မှုနှင့် လောဘသမားပွဲစားများက ထိုမြေကို ဝါးမျိုရန်ကြံစည်ခြင်းတို့က မြို့ခံလူထုတို့အပေါ် စိတ်ဒဏ်ရာများထပ်မံဖိစီးခဲ့သည်။
ထိုသို့ ဝမ်းနည်းဖွယ်အခြေအနေများအပေါ် အခွင့်ကောင်းယူလိုသည့် ဖောက်ပြားသောစိတ်သဘောကြောင့် ဧဒုံမြို့သို့ ဘုရားသခင်၏ပြင်းထန်သော သတိပေးစကား ရောက်ရှိလာသည်။ ဣသရေလလူမျိုးများ၏ မျိုးရိုးစဉ်ဆက်ရန်သူဖြစ်သော ဧဒုံအမျိုးသားတို့သည် သူတို့မြို့၏ပထဝီအနေအထား သာလွန်မှုကို အခွင့်ကောင်းယူကာ (ဩဗဒိ၁:၃)၊ လုယက်မှုဖြင့် ကြွယ်ဝလာခြင်း (:၆)၊ အခြားနိုင်ငံများနှင့်မဟာမိတ်ဖွဲ့ခြင်း (:၇)၊ အကြံဉာဏ် (:၈) နှင့် စစ်ရေးအကူအညီတို့ကိုရယူပြီး(:၈-၉) အားနည်းသူများအပေါ် ခေါင်းပုံဖြတ်ခြင်းတို့ကြောင့် ဘုရားသခင်၏ တရားစီရင်မှုသည် မကြာမီရောက်လာတော့မည်ဟု ပရောဖက်ဩဗဒိ သတိပေးခဲ့သည် (ယေဇ…
ကျေးဇူးတော်ချီးမွမ်းပွဲကို ကနေဒါနိုင်ငံနှင့် စိန့်လူစီယာ(Saint Lucia)ကျွန်း၌ အောက်တိုဘာလတွင် ကျင်းပကြသည်။ လိုက်ဘေးရီးယားနိုင်ငံက နိုဝင်ဘာလ အစတွင် သတ်မှတ်ပြီး၊ အမေရိကန်နိုင်ငံနှင့် သြစတြေးလျနိုင်ငံတို့က နှစ်စဉ်နိုဝင်ဘာလအကုန်တွင် အားလပ်ရက်အဖြစ် သတ်မှတ်သည်။ ဗြိတိန်နိုင်ငံ၊ ဘရာဇီးနိုင်ငံ၊ ရဝမ်ဒါနိုင်ငံနှင့် ဖိလစ်ပိုင်နိုင်ငံတို့အပါအဝင် အခြားနိုင်ငံများတွင် ကျေးဇူးတင်ခြင်းကို အားပေးရန် တရားဝင်ရုံးပိတ်ရက်မဟုတ်သောနေ့များရှိသည်။
တစ်မျိုးသားလုံးစုပေါင်းလျက် ကျေးဇူးတင်ကြောင်း ဖော်ပြခြင်းနှင့်ပတ်သက်၍ သက်ရောက်မှု တစ်စုံတစ်ရာရှိသည်။ ဘုရားသခင်၏ အတူရှိခြင်း၊ ကွယ်ကာမှုနှင့် ကတိတော်များအတွက် ကျေးဇူးတော်ချီးမွမ်းရန် ဒါဝိဒ်မင်းသည် ဣသရေလလူမျိုးတို့အား စုဝေးစေသည်။ ဣသရေလလူမျိုးတို့နှင့် ဘုရားသခင်အတူရှိခြင်းကို ကိုယ်စားပြုသည့် သေတ္တာတော်သည် ယေရုရှလင်သို့ ပြန်ရောက်ပြီဖြစ်၍၊ “ဘုရားသခင်၏သေတ္တာတော်”ကို ပြန်လည် ဆောင်ယူနိုင်ခြင်းအထိမ်းအမှတ် ချီးမွမ်းခြင်းပွဲတွင် ပြည်သူများ ဝမ်းမြောက်ကြသည် (၅ ရာ ၁၆:၁)။ ဒါဝိဒ်သည် ချီးမွမ်းခြင်းပွဲကို ဦးဆောင်စဉ်၊ ခါနာန်ပြည်ကို ဘိုးဘေးတို့သိမ်းပိုက်စဥ်က ဘုရားသခင်၏ ကွယ်ကာခဲ့မှုကို မမေ့လျော့ရန် (:၁၈-၂၂)နှင့်…